Բացառիկ կարողություններով, մշտապես գործող ագենտներ՝ ամեն գործի համար, GPT-6 Astra-ի հզորությամբ։
Ձեր dot-ին պատկերացրեք որպես ձեր կարողությունների շարունակություն։ Այն սովորում է ձեր աշխատաոճը, նկատում ուշադրություն պահանջող հարցերը և իր համակարգչով առաջ տանում ձեր նախագծերը։
Ձեր dot-ը սկսում է աշխատել՝ օգտվելով ChatGPT-ի հիշողության մեջ եղած համատեքստից։ Առաջադրանքները կատարելու համար այն օգտագործում է Codex-ը և ձեր միացրած գործիքները։ Դուք եք ընտրում, թե որ հավելվածները կարող է օգտագործել, ինչի վրա պետք է կենտրոնանա և ինչպես պետք է կատարի գործերը։
Հանձնարարեք մեծ նախագիծ կամ փոքր գործ՝ ձեր բեռը թեթևացնելու համար։ Ձեր dot-ը ինքնուրույն որոշում է հաջորդ քայլերը և շարունակում գործն առաջ տանել զրույցների միջև։ Այն ձեզ է ներկայացնում վերանայման ենթակա աշխատանքը և ձեր կողմից որոշում պահանջող հարցերը:
Տեսեք, թե ինչի վրա է աշխատում ձեր dot-ը, ուսումնասիրեք մանրամասները և հայտնեք ձեր կարծիքը։ Ցանկացած պահի փոխեք ուղղությունը կամ դադարեցրեք աշխատանքը։
Ձեր dot-ը կարող է օգնել` որտեղ էլ աշխատեք։ Դուք կառավարում եք դրա թույլտվությունները և որոշում, թե երբ այն կարող է գործել ինքնուրույն, իսկ երբ է պետք ձեր հաստատումը։
Dots-ն օգնում են ձեր կյանքում ավելի շատ տեղ հատկացնել կարևոր գործերին։ Բացահայտեք, թե դա ինչ կարող է նշանակել ձեր աշխատանքի համար։
Բացահայտել
Դուք ֆինանսական ղեկավար եք և պատրաստվում եք ներդրողներին ներկայացնել վերջին արդյունքները։ Ձեր dot-ը հետևում է արտադրանքի օգտագործմանն ու հասույթին, նշում փոփոխությունները և թարմացնում ձեր սահիկաշարը։ Ձեր թույլտվությամբ այն վերջին ցուցանիշները փոխանցում է ձեր թիմին և համապատասխանաբար թարմացնում առնչվող նյութերը։
Վաճառքի ղեկավարի համար խոշոր ընկերության հետ գործարքը ենթադրում է բազմաթիվ տեխնիկական մանրամասներ։ Ձեր dot-ը հաճախորդի պահանջները համեմատում է նամակներում և արտադրանքի փաստաթղթերում առկա տեղեկությունների հետ, նշում, թե ինչը պետք է փորձարկել, և վերանայման համար պատրաստում գնահատման թարմացված պլան։
Որպես ինժեներ՝ պետք է ձեր ընկերության ծառայությունները տեղափոխեք տվյալ API-ից, նախքան այն կդադարի գործել։ Ձեր dot-ը քարտեզագրում է կախվածությունները, պատրաստում կոդն ու թեստերը ինժեներների ստուգման համար, և հետևում մնացած API կանչերին, մինչև դրանց թիվը հասնի զրոյի։
Դուք ծրագրավորող եք և հավելված եք ստեղծում։ Ձեր dot-ը հետևում է հաճախորդների կարծիքներում ներկայացված խնդրանքներին, ապա սահմանում բարելավումների շրջանակը, մշակում և փորձարկում դրանք։ Դուք կարող եք շարունակել հաջորդ խոշոր գործառույթի մշակումը, մինչ այդ փոքր շտկումների աշխատանքն առաջ է գնում։
Եթե բովանդակություն եք ստեղծում, ձեր dot-ը սովորում է ձեր ոճը և ճանաչում լսարանը, հարցազրույցներից ընտրում կարճ տեսանյութերի համար հարմար հատվածներ ու կազմում հաղորդման ամփոփման և սոցցանցերի հրապարակումների սևագրեր՝ ձեր հաստատման համար։ Այն ձեր խմբագրումները կիրառում է բոլոր նյութերում և սովորում, թե ինչն է արձագանք գտնում լսարանի մոտ՝ հաջորդ նյութերը բարելավելու համար:
Dot-երն աշխատում են GPT-6 Astra-ով՝ մարդու նպատակներին առավել համահունչ մեր մոդելով, որի անվտանգության և գաղտնիության պաշտպանական միջոցներն ըստ կանխադրման միացված են։
Dot-երը լրացնում են ChatGPT-ի պաշտպանության միջոցները լրացուցիչ պաշտպանական մեխանիզմներով, որոնք օգնում են պաշտպանվել վնասաբեր հրահանգներից և հետևում են հնարավոր վնասակար վարքագծին։
Dot-երն աշխատում են իրենց սեփական ամպային համակարգիչներով։ Ընտրեք միացվող հավելվածները, կառավարեք դրանց թույլտվությունները և որոշեք՝ միացնել ձեր համակարգիչը, թե ոչ։ Սահմանեք անհատական կանոններ՝ որոշակի գործողություններ թույլատրելու, դրանց համար հաստատում պահանջելու կամ դրանք արգելափակելու համար։
Գործողությունները, որոնք կարող են ազդել ձեր հաշիվների վրա կամ տեղեկություն փոխանցել, անցնում են ավտոմատ վերանայում՝ ձեր հրահանգներին, անհատական կանոններին և անվտանգության պահանջներին համապատասխանությունը ստուգելու համար։ Որոշ գործողություններ պահանջում են ձեր հաստատումը։ Գաղտնաբառը փոխելու նման քայլերը մնում են ձեր անելիքը։
Առաջին հանդիպումից մինչև ընթրիքի առաքում՝ տեսեք, թե ինչպես է ձեր dot-ը դառնում ձեր օրվա մի մասը։
Ձեր սահիկաշարում ավելացրել եմ տեղեկություններ այն մասին, թե ինչով կարող է պայմանավորված լինել վերադարձող հաճախորդների թվի նվազումը։ Նշել եմ, թե դեռ ինչ է պետք պարզել, և ավելացրել եմ մի քանի տարբերակ ձեր դիտարկման համար։
Ձեր սահիկաշարում ավելացրել եմ տեղեկություններ այն մասին, թե ինչով կարող է պայմանավորված լինել վերադարձող հաճախորդների թվի նվազումը։ Նշել եմ, թե դեռ ինչ է պետք պարզել, և ավելացրել եմ մի քանի տարբերակ ձեր դիտարկման համար։
Աշխատանքում
Վաճառքներն աճել են, բայց ավելի քիչ հաճախորդներ են վերադառնում։ Ձեր dot-ը ցուցանիշները համադրում է հաճախորդների կարծիքների հետ, ուսումնասիրում է, թե ինչ է փոխվել, և թարմացնում ղեկավարությանը ներկայացվող սահիկաշարը։ Նոր տվյալներ ստանալուն պես այն ամեն ինչ թարմացնում է։
Գրեք կամ զանգահարեք ձեր dot-ին ChatGPT-ի վեբ, բջջային և համակարգչային տարբերակով։ Ընթացքում կիսվեք նորություններով, հարցեր տվեք կամ փոխեք ուղղությունը։ Երբ որևէ հարց պահանջի ձեր ուշադրությունը, այն կկապվի ձեզ հետ։
Շուտով՝ SMS, Slack և Teams՝ զրույցների միջև համատեքստի պահպանմամբ։
Սկսեք զրույցը։ Ձեր dot-ը շարունակում է գործը, նույնիսկ երբ դուք հեռանում եք։
Dots-ը աստիճանաբար հասանելի է դառնում ChatGPT-ի վեբ, բջջային և համակարգչային տարբերակներում։ Այն արդեն հասանելի է Pro, Business Premium և Enterprise պլաններում՝ համապատասխան շուկաներում։ Enterprise-ի օգտատերերը կարող են փորձել dots-ը, երբ իրենց աշխատատարածքի ադմինը միացնի այն։
